محمد حسين الجداوي.. يكتب: فين زمن التحرش «الجميل»؟

التقى حمدي الوزير «رمز التحرش» في كوكب «خلطبيطة» مع مسؤول الإجرام «الولا سامبو» في اجتماع طارئ بعد واقعة فتاة المنصورة، ليتجاذبا أطراف الحديث.

سامبو: مالك يا جنرال؟

الوزير: مش عاجبني أحوال الناس وأخلاقهم.

سامبو: يا عم عيب الكلام ده يطلع من بوقك.

الوزير: جرى إيه يا سامبو مش بفضفض معاك.

سامبو: معلش يا عمنا أصل استغربت الصيغة.

الوزير: الأخلاق اندثرت وراح زمن التحرش الجميل.

سامبو: على فكرة أنت فوق الفظيع.

الوزير: حاول تتصل بالبنت تقولها متتنازلش عن حقها.

سامبو: كلمتها يا جنرال قالتلي: والنعمة ما أنا ده اختشي منى.

الوزير: أحسن حاجة في التحرش ده إنه مفيهوش بذر.

سامبو: انت بتاخد إفيهاتي وتركبها على جُمل يا جنرال.

الوزير: وأنا اللي كنت فاكر إني أيقونة التحرش في السوشيال ميديا.

سامبو: من أيام قبضة الهلالي وانت متسيط يا عمنا سوشال مبدئيًا إيه وكده وبتاع.

الوزير: وانت من أيام فيلم ثقافي مسيطر.. آه وفاكر لما قلتلهم: «يعني غلبة ومشورة لحد هنا.. هيكون إيه فيلم لإسماعيل يس أكيد ثقافي.

الوزير: ياض خليك بني آدم شوية وخلي عندك إحساس.

سامبو: طب ما أنا إنسان يعيش ويتعايش.

الوزير: تقبل تتجوز من واحدة حد اتحرش بيها؟

سامبو: إيه المشكلة؟.. هعمل أنا المأذون وهقولها: قولي ورايا يا بنتي.. قبلت الزواج من المأذون».. هو أنا نيجيري يعني!

الوزير: تفتكر يا ولا يا سامبو امتى هتختفي ظاهرة التحرش؟

كلاوي: جرى إيه يا سامبو إحنا من امتى بنسأل الأسئلة دي؟

أرابيسك: فيه إيه ياض يا سامبو انت محرمتش؟

سامبو: اضرب كمان يا عم حسن عاوز أتوب.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2020

Social Media Auto Publish Powered By : XYZScripts.com