مايسة رضا.. تكتب: ناس وسطنا.. في البعد أحلى؟!

أحيانا البعد بيكون الحل لما تتفاجئ إنك مش مصدقهم.

لما تلاقيك مش مرتاح .. أبعد.

لما تلاقيك استنفذت كل رصيد الصبر اللي عندك.. أبعد.

أبعد علشان ماتضطرش تفقد ملامحك الطبيعية بعد ما تتعود على التمثيل وتلاقي نفسك حتى الإبتسامة للأسف مضطر تمثلها علشان ده اللي بيعجبهم.. ولما تبص في المراية ماتلاقيش نفسك اللي عارفها واللي باين بس الشكل اللي بيعجبهم.

أبعد علشان ماتدخلش جوة دايرة أنت الطبيعي والصادق اللي فيها.. فتلاقي نفسك للأسف غريب.

فعلًا الصور من بعيد بتكون أجمل أنما لما بتقرب بتبان عيوبها وما بتعجبكش.. علشان كده لازم في لحظة تاخد قرار البعد علشان تسترجع نفسك وتحافظ على اللي باقي منها يمكن تعرف تشوف صورة أحلى من تانى.. البعد مؤقت أو دايم .. دا قرارك ويرجعلك أنت.

لو بعد دايم ماتبصش تاني وراك.. أبدء مهما حاولوا يشدوك.

بس لما تبعد مؤقت.. عرف اللي بعدت عنهم أنها فرصة علشان ينصلح حالهم ومايحاولوش أنك تعيش بطريقتهم.

بستغرب جدًا لما بلاقي ناس تعاتب ناس وتقول لحد أنت اتغيرت.. أنت مش زي الأول.. الكلمة دي معناها إنهم بيقربوا للناحية اللي عاجباهم فيك.. ولما استنزفوها واستهلكوها.. بيسالوك عليها.. علشان مبدأهم.

أنك لو بتستحمل.. خليه يستحمل تاني وماله.. ماهو مابيشتكيش.

لو كريم.. استغله تاني وماله ما هو دايما كدة.

لو طيب.. اخبط فيه وأرزع ماهو طيب مفيش منه مشاكل.

لغايه ما تتغير من غير ماتحس وتندم على روحك.. لو جاتلك لحظة الكل يؤكد فيها أنك اتغيرت وبينتقدوك.. أبعد.. صدقني أبعد.

أبعد عن اللي بيأنبوك ودايما ينتقدوك.. ودايما معاتبين.. اللي بتشيل هم لقاهم.. أبعد.. أيوه أبعد.. بجد أبعد.. وارجع لو عاوز.. بس بعد ما تستعيد نفسك كمحاولة للحفاظ على الود مع التأكيد أنها أول وأخر فرصة وحقيقي حاجات كتير بتخلي البعد.. أحلى.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com