سلمي عز الدين.. تكتب: من أول نظرة

عارفكم من بدري

أنت واصحابك

الأبيض والأسود والألوان

على طول بيبان

من أول طلة

من أول كلمة

من أول نظرة

من خطوة بعيدة بتقرب بشويش

من حُسن جميل

وكلام معسول

وبسمة رقيقة..

بتخفي وراها سنان الغول

متستغربش اني بقولهالك قدامهم

اصل أنا عارفاك.. جواك مهزوز

بجناح مكسور.. وبقلب عجوز

مبقتش بخاف.. وهخاف منك؟!

ليه؟!

الأولى تخاف من نفسي عليك.

ما أنا كنت الهبلة اللي بتدي من غير متقول

أجي اطلب.. الاقيك مشغول

تطلب.. تلاقيني بقول

شبيك لبيك..

قلبي وعمري ملك ايديك

خد ما يكفيك..

وزيادة

فاكر السقا؟

بالك أنت لو كان زاد تكة

كنت هترضى؟

بتنام ازاي طيب وضميرك صاحي؟

وازاي ترضا لنفسك اللي مترضالي؟!

طب على راحتك!

زوّد تكة.. وكمان تكة

بس اوعى تروح تبيع المياة

فحارة السقا

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com