تعرف ايه عن الرادار ؟!

تعرف ايه عن الرادار ؟!

ياما وقفنا على الطريق علشان الرادار سجلنا مخالفة للسرعة القانونية.. حد سأل نفسه إيه فكرة عمل الرادار؟

الرادار الأرضي بيعتمد على نظرية للعالم كريستيان يوهان دوبللر عام ١٨٤٢ م وعلشان كده اتسمي برادار دوبلرDoppler .. قالك ايه عم دوبلر ؟!

قال: الاصوات بتمشي في موجات لما تقرب من ودنك هاتسمعها بوضوح إنما لما تبعد عنها موجاتها يحصل لها تشتيت وماتقدرش تسمعها بوضوح زي ما كانت قريبة.. تمام؟!

يبقي الرادار بيعتمد على اطلاق موجات كهرومغناطيسية وليست صوتية لأنها أسرع وبتعمل في ظروف جوية قاسية بيتم إطلاق الموجات الكهرومغناطيسيه لمدة قصيرة ويقفلها ويبدأ استقبال الصدى اللي راجع من الاجسام بسرعاتها المختلفة وتسجيلها وبعدين لو أنت مخالف تدفع المخالفة.

بالمناسبة.. أنواع الرادارات كتير لكنهم بيعملوا بنفس الفكرة وهي إطلاق موجات وأستقبال الأصداء الناتجة من الاجسام المصطدمة بها وعلى سبيل المثال :

رادار الطائرات.. بتعتمد على تحديد الارتفاعات والاتجاهات والاجسام بدقه شديدة.

رادار السفن.. بيحدد الأبعاد والعمق بناء على تسجيل وجود الجزر والحدود البحرية.

رادارات بتعتمد عليها في الابحاث البيولوجية في تحديد أنواع الحيوانات وأوقات هجرتها

وأخيرا رادار بيستخدم للتنبؤات الجوية وحاله الطقس.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com