إيمان داغر.. تكتب: تكات ماما لحلويات العيد

كل سنه وانتم طيبين.. الكحك والبسكويت والبتي فور والمنين.. تكاتهم البسيطة.. هي في الأساس تكات (ماما) مش تكاتي جربوها وادعولها بالصحة.

 البداية.. الكحك بتكاته

– 2 كيلو دقيق

– كيلو وربع سمنة (مقدوحة)

– معلقة محلب مطحون

– معلقة ريحة كحك

 – 4 معلقه سمسم محمص (للطعم.. تحفه)

خميرة + معلقة سكر + مياة دافية

كوباية مياة للعجن ( نلم العجينة بها)

تكايه الكحك لما نشكله ممكن نستخدم حاجة بسيطة موجوده فى بيوتنا (صفايه البطاطس) هاتعمل أحلى شكلين زى اللي بنشتريه بالظبط.

بعد التشكيل نسيبه يخمر مش أقل من ساعتين وبعدين نخبزه

تكات إيمان داغر

 – البسكويت بتكاته

– 2 كيلو دقيق

– عدد 10 بيضة

– فانليا

 – كيلو سمنة

– نص كيلو سكر مطحون

– 8 معلقه كبيرة نشا

– 2 معلقه صغيرة نشادر

– 2 كيس بيكنج بودر

– كوبايه لبن للعجن (نلم العجينه بيها)

– فيه اشكال صغيرة ومش غاليه فى السوق ممكن نشكل بيها البسكويت أو بماكينة البسكويت

نشكله ويتخبز مباشرة.

 – المنين (القراقيش)

– 2 كيلو دقيق

– كيلو إلا ربع سمنة

كوباية سكر

– 2 معلقة كبيرة خميرة بودرة

– فانليا

– 4 معلقه نشا

– 4 معلقه سمسم محمص

– كوبايه لبن (للعجن)

– نص كيلو عجوة للحشو (حسب الرغبة)

– نفرد العجينة طبقة رقيقة وعليها طبقة عجوة ونفرد عليها طبقه رقيقه تاني من العجينة ونقطعها بالسكينة الحجم اللي احنا عايزينه

بعد التشكيل نسيبه يخمر مش أقل من ساعتين وبعدين نخبزه.

تكات إيمان داغر

– البيتي فور

– كيلو دقيق

– كيلو إلا ربع سمنة بدرجة حرارة المطبخ

– نص كيلو سكر مطحون

– 3 معالق كاكاو (لنصف العجينة)

– 5 بيضه

– فانليا

 – معلقة بيكنج بودر

– مربى وشيكولاته فرماسيهة للتزين (حسب الرغبة) وبعد التشكيل يخبز مباشرة.

تكات إيمان داغر

– ممكن نشكله بنفس الاشكال اللي بنعمل بيها البسكويت

– وأهم تكايه نضيف رشه ملح لكل وصفة.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com