إيمان داغر.. تكتب: تكات في البيت (1)

 

كل مره هاقولكوا علي كام تكة كده لو خليتي بالك منها ممكن تفرق معاك

 

* تعرفي انك لو اشتريتي رمان وطلع حادق.. اعصريه وصفيه من البذر وخزنيه في مكعبات التلج في الفريزر وقت ماتعملي ورق عنب رشيه عليه هايعمل طعم مزز وأحلي من الليمون.

 

* لو لقيتي بقعه صدا على الهدوم.. اعجني شويه ملح لمون وحطيها عليه وبعد كده اغسلي.. وباي باي بقعة الصدا.

 

* بقعة القلم الجاف على الهدوم حطي شوية معجون سنان عليها وافركيها بعد ساعتين وادعيلي.

 

*لو عاوزه تعرفي الروج اللي بتستخدميه صحي ولا لا.. حطي خط منه على إيدك وادعكيه بخاتم دهب لو لونه بقي اسود.. إرميه أو ماتستخدميهوش كتير.

 

* احلي ماسك سريع ويفتح ويشيل آثر حباية غلسه هي.. الخميرة البيرة معجونة بشوية لبن ساقع ولمون.. اعمليه ونشقيه وقشريه بالراحة.. وادعيلي.

 

*لو هاتسيبي التلاجة يومين وعاوزه تعرفي الكهرباء قطعت ولا لأ، حطي في الفريزر كوباية تلج عليها جنيه معدن لو الكهرباء قطعت فترة الجنيه هايقع في الكوباية علشان الميه هاتسيح.

 

وانتظرونا.. المرة الجاية شوية تكات جديدة في البيت.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com