إيمان داغر.. تكتب: تكات في البيت للتجميل والتزين (4)

 

النهاردة هاقولكم على تكات لتجميل وتزين البيت ببساطة من غير ماتكلفي نفسك وتشترى

 

* قماش جينز قديم ماترمهوش هاتي ازازة بلاستيك وقصيها نصين والزقي قماش الچينز علي الجزء السفلي وبكدة بقت احلي مقلمة لاولادك على مكتبهم.

 

* برطمنات المربي والصلصة كتير وبترميهم.. ماترمهومش.. وهاتي من عند الموان علبة صغيرة من اللون المفضل ليكي وادهني الغطا بتاعهم وتشيلي الورقة اللي على البرطمان نفسة وبكدة بقي عندك احلى طقم توابل.

 

* علب كريم شعر ماترمهاش إغسليها كويس ونشفيها وزينيها بآي ورق ملون عندك وبكدة بقي عندك علبة للاكسسورات بتاعتك.

 

* درفة مطبخ خشب اتكسرت ومش عارفة تركبيها تاني.. ماترمهاش.. هاتي آي لون رش من عند الموان ورشيها وركبي من الجنبين (العرض) مقبضين على زوقك وبكدة بقت احلي صينيه خشب للتقديم.

 

* طقم كوبايات قديم ومش بتستخدمية.. ماترمهوش.. بشريط ستان هانلفه ونلزقة عليه وحطى جواه شمع من المدور وصغير وكدة بقي عنك احلى فواحات ف بيتك.

 

* قطاعه بلاستيك أو خشب مش بتستخدميها.. ماترمهاش.. هاتي قطعة قماش قديمة برضة مش بتستخدميها ودبسيها عليها وبعدين علقيها على آي مكان قريب من باب بيتك بكدة بقي احلي حامل لمفاتيح البيت.

 

وبكدة جبتلك تكات بسيط لبيتك.. يا يارب تعجبكم.. استوني في تكات جديدة

Comments
Loading...