إيمان داغر.. تكتب: تكات في البيت.. الماسكات بأبسط الخامات (3)

 

تكتنا النهاردة عن الماسكات بابسط الخامات من بيوتنا:

 

عايزة بشرتك فاتحة ومافيهاش آي حبوب نهائي.. (باللبان الدكر).. اللي هو الصمغ العربي بتجبيه من عند العطار.. مش مكلف خالص.. واغلية وصفية بعدها كويس وحطي معلقة مياه ورد عليه وكل يوم امسحي بالقطنة بشرتك مرتين.. هاتبقي بشرتك صافية.

عايزة تبيضي المناطق الغامقة في جسمك هاتي معلقة من آي كريم مرطب انتي بتستخدمية واعصري علية نص لمونة ومعلقة عسل أبيض وقبل ما تنامي ادهني المنطقة الغامقة.. مع الوقت مش هاتشوفيها تاني.. أو بالبطاطا… إغسليها كويس وقشريها وسبيها تنشف شوية وبعدها افركيها على المناطق الغامقة هاتبقي هايلة (للبشرة الدهنية).

عايزة بشرتك منورة وصافية بقشر البرتقال نشفية كويس واطحنية وبمعلقة منه على معلقة زبادي وقلبيهم كويس وسبيهم على بشرتك حوالي ربع ساعة.. وادعيلي.

عايزة سكرب لبشرتك كويس ومش مكلف وسهل.. بمعلقة بن و2 ثمرة فراولة.. اهرسي الفراولة كويس ولو عندك حساسية من الفراولة البديل ليها (ترمس مطحون) وضيفي عليها معلقة البن وقلبيهم وبطريقة دائرية ع بشرتك.

طبعا أي ماسك منهم هانشيله من علي البشرة بالمياة الدافية.

والأهم هو شرب المياة كتير هايفرق في بشرتك وفي جسمك وفي صحتك عموما.

وآي تكة منهم هاتفرق معاكي جدًا وبمكونات بسيطة ومش مكلفة.

استنوني ف تكات جديدة

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com