إيمان داغر.. تكتب: تكات جديدة لتوفير الوقت

هاقولك على تكات في المطبخ بسيطة وهاتخليك ماتضيعيش وقت..

اطحني كل انواع التوابل اللي أنت بتستخدميها على بعض (حبهان.. قرنفل.. ورق لورا.. فلفل اسود.. بصل بودر.. توم بودر.. سماق.. روز مارى.. جنزبيل.. قرفه.. مستكة.. جوزة الطيب) وأي نوع تاني وحطيهم في برطمان وكل ما تحتاجي لأي أكل تستخدمي منها.

النعناع إغسلية وخلية ينشف كويس وبعدها افركية وحطية في برطمان وكل ما تحتاجي خدى منه.

الكزبرة والكمون  طبعا متحمصين ومطحونين ويكونوا موجودين دايمًا في مطبخك.

– حمري الشعرية ولسان العصفور بالكمية اللي بتستخدميها خلال أسبوع  وضفيهم في برطمانات تكون نضيفة ومتعقمة كويس وشليهم في التلاجة وكل ما تحتاجي منهم طلعي على قد استخدامك.

البصل قطعي كمية منه أربع قطع وحطيهم في كيس وشليهم في الفريزر وكل ما تحتاجي لسلق اللحمة أو الفراخ طلعي منه بالقطعة وضفيها في مياة السلق وهايبقي زى الطازة بس مايزيدش عن أسبوع في الفريزر.

– وممكن تفرمي جزء من البصل وتحفظيه في الفريزر لاستخدام أي أكل تاني. 

– وموسم التوم لما يجي في شهر مارس ماتنسيش.. اشتري كمية وقطعية وافرمية بالزيت والملح واحفظيه في الفريزر.. هايسهلك كتير في مطبخك (يفضل أنك تلبس جوانتي وأنت بتفرمي الثوم).

واستنوني في الجزء التاني من تكات توفير الوقت والمجهود.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com