إيمان داغر.. تكتب: تكات العناية بالشعر خلال الشتاء

جمعت لكم تكات للعناية بالشعر في فصل الشتاء.. أهم خطوة قص اطراف الشعر كل فترة بيساعد على نمو الشعر:

استخدام مشط خشب بسنون واسعة في تسليكه مش الفرشاة لانها بتقصفه.

نهتم دايما بإستخدام البلسم المناسب لنوع الشعر بعد الشامبو ونسيبه على الشعر ويكون تركيزه على الاطراف اكتر مدة ماتقلش عن 10 دقائق وبعدين نغسل الشعر.

ممكن البديل للبلسم هو استخدام زيت الزيتون بيساعد على ترطيب الشعر.

نستخدم المياه الفاترة لغسل الشعر بلاش نخلي المياه ساخنه بزيادة

نغسل الشعر مرتين في الأسبوع مش أكترعلشان مايفقدش زيوتة الطبيعية

نخلي بالنا في اختيارتنا للشامبو أو الكريمات أنها تكون محتويه على الفواكه والاعشاب الطبيعية

نقلل من استخدام السيشوار في تجفيف الشعر وإذا استخدمناه يكون بعيد عن الشعر بمسافه معقوله علشان مايقصفش

كل انواع الچل بلاش نستخدمها بيسقط الشعر

للمحجبات..

أهم خطوة ليهم ان الشعر يكون مش مبلول تحت الحجاب.

بعد الرجوع للبيت فكي الشعر وخلية يتنفس حتي التوك ماتحطهاش.

الشعر يكون مرتاح من عند القورة (الجبهة) يعني يكون ليكي قصة معقوله علشان الشعر مايكونش مشدود تحت الحجاب ومايوسعش مساحة القورة.

نستخدم الاقمشه القطنية في الحجاب افضل للشعر أو البندانات القطنية تحت الأنواع الأخرى من الاقمشة.

للأطفال..

فيه شامبوهات وزيوت خاصة للعناية بالشعر من حشرات الشعر نهتم دايما نستخدمها مرة في الاسبوع  (يعني في الويك اند).. الخطوة دى مهمة جدا ليهم وخصوصا في الدراسة.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2020

Social Media Auto Publish Powered By : XYZScripts.com