إيمان داغر.. تكتب تكات: العناية بالبشرة

بشرتنا دايما بتتأثر بعوامل الجو وتغير الفصول النهاردة جمعتلكم شوية تكات لمسكات بسيطة وسهلة علشان نحافظ على ترطيب البشرة في فصل الشتاء

معلقة زبادى + معلقة كاكاو.. لمدة ربع ساعة هايرطب بشرتك + ويفتحها

معلقة زبادى + معلقة نشا.. لمدة ربع ساعة هايرطب ويفتح البشرة + ويعالج الحبوب

معلقة زبادى + نهرس معاه ربع موزة… لمدة تلت ساعه هيخفي اي تجاعيد للبشرة هيرطبها ويزل اثار حب الشباب

معلقة زبادى + معلقة نشا + باكت واحد من الشاي الاخضر (مانرميش  باكت الشاى بعد استخدامه نفتحة ونضيفه علي الزبادى والنشا) هايقلل من انتفاخات العين ويريحها

أي ماسك نشيلة كويس بمياة دافية وبعدين نمشي قطن بمياة الورد على البشرة هاتفرق كتير مع بشرتنا

وأي ماسك من اللي فات ممكن نستخدمة لتشقق الكعوب والرجلين

أي سكرب بيزيد من نضارة البشرة ويشيل الجلد الميت ونقدر نستخدمة مرتين في الأسبوع  وأصحاب البشرة الحساسة كفاية مرة واحدة بس

ونقدر نعمل سكرب حلو لبشرتنا في البيت من غير تكلفة بتكات بسيطة

معلقة نسكافية + معلقتين لبن بودرة + نصف معلقة عسل ابيض + معلقة شوفان

نخلطهم كويس جدا ونفردهم على البشرة لمدة ربع ساعة ونشيلوا بطريقه دائرية على البشرة

معلقتين من السكر + معلقتين مياة الورد ونحركه على بشرتنا بطريقة دائرية ونمرره على الشفايف  ونغسله بعد ما ينشف على بشرتنا بمياة دافية

اهم تكايتين النهاردة

نشيل المكياچ من على البشرة قبل النوم ويفضل باستخدام القطنة ومياة الورد وبعدين المياة الدافية

اشربوا مياة كتير ماتكسلوش بسبب السقعة.. هاتفيد الجلد جدا وتحمي من التشقق

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com