إيمان داغر.. تكتب: تكات العدس

العدس هو ملك الشتاء.. ومن أرخص انواع البقوليات، لكن هو من اغناها في الفوائد.. وانواع العدس كتير بيختلفوا في ألوانهم  زى العدس البرتقالي والأسود والأخضر والأصفر.. والمعروف أكتر البرتقالي (بنستخدمه في شوربة العدس والكشري الإسكندراني) والعدس الأسود (عدس بجبة وبنستخدمه دايما في الكشري).

العدس

للعدس فوائد.. بيحافظ على القولون، وبيعالج الإمساك ومفيد لمرضى السكر جدا وبيساعد على الهضم وبيدي طاقة هايلة للجسم ومهم جدا للحوامل وبيساعد على وقف النزيف وبيقوى الاظافر وبيقوى المناعة وبيقوى الأسنان وبيساعد على بياضها وبيغذى بصيلات الشعر ويقلل سقوطه وتقصيفه.

فتة العدس وشوربة العدس من أحلى الاكلات في فصل الشتاء.. ونقدر نسلق العدس الأسود (ابو جبة) ونضيفه على اي نوع سلطة بيدي طعم هايل لها ولو بتجهزى الحمص (الحلبسة) أو تدميس الفول في البيت ضيفي معاه العدس البرتقالي هايفرق للاحلي.. أما العدس الأسود اسلقية وضفية للكفته بدل البقسماط.

العدس بيساعد على الشبع ومهم جدا لتقليل الوزن (الرچيم) وطريقة تحضيره سهلة (عدس + بصل + ثوم + جزر + بطاطس + الملح والتوابل ونضربهم في الخلاط) من غير أي إضافات أخرى.

نقدر نستخدمه ماسك للبشرة مرتين في الأسبوع.. العدس هايفتح البشرة وهايمنع الجفاف ويرطب البشرة.. ويخفي الهالات السودا تحت العين.. ويقلل التجاعيد.

طرق استخدامه:

نطحن العدس كويس ونضيف عليه معلقة لبن بودرة ومعلقة ماء الورد.

أو نسلق العدس ونهرسة كويس ونضيف معاه معلقة ماء الورد وعصر ليمون.

أو نسلق العدس ونهرسة ونضيف علية عسل نحل.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2020

Social Media Auto Publish Powered By : XYZScripts.com