إيمان داغر.. تكتب: تكات اجازة نصف العام الدراسي

اجازة نصف العام الدراسي بدأت وخصوصا للأطفال جمعتلكم شوية تكات بسيطة للاستفادة بالاجازة والوقت.. مثلا:

شجعوهم على الرسم والتلوين وبرسوماتهم يزينوا بيها حيطان غرفتهم.

شاركوهم في تغير بسيط في ديكور البيت.. مثلا بتغير ألوان وأماكن الأثاث.

نحاول أن نوفر لهم وقت لخروجهم للأماكن السياحية في بلدنا مثل المتحف أو القرية الفرعونية أو الأهرامات أو القلعة حديقة الحيوان أو حديقة الأزهر ونشجعهم على جمع معلومات عن المكان قبل زيارتة هايستفادوا ويتبسطوا أو كل الأماكن دى التذكرة فيها مش مكلفة خالص.

حديقة الحيوان بالجيزة

كل أم تجهز الأكل من البيت قبل الخروجات ودا افيد للاولاد واوفر ليها ونخليهم يشركونا تحضيرها.

بلاش الشتاء والسقعة تأثر علينا ونمنعهم من التمرينات الرياضية ليهم.. التمرينات صحية لأجسمهم جدا في فصل الشتاء.

بدل استخدام التابلت والنت في فيديوهات مالهاش أي إفادة.. شجعوهم على أنهم يكتسبوا مهارة أي لغة أجنبية إضافية ليهم، بفيديوهات مفيدة من اليوتيوب (إيطالي.. تركي.. روسي.. ألماني.. فرنساوى) أو أي لغة هما يفضلوها.

ونقدر نشجعهم ونساعدهم بشراء الكتب اللي هاتساعدهم في اللغة اللي يختروها.

خدوهم معاكوا في أي سوبر ماركت لشراء ولو طلبات بسيطة علشان يتعلموا الفرق بين الغالي والرخيص أو المنتحات المفيدة والغير مفيدة.

معرض الكتاب هايتم افتتاحة خلال أجازة نصف السنة خليهم يزوروه ويقولوا رأيهم في أي كتاب هايعجبهم.

كورشية

لو معانا أكثر من طفل وعمرهم قريب من بعض خليهم ينافسوا بعض في تأليف قصة صغيرة أو قراءه قصة ويكون بجائزة هما بيحبوها.. هايتحمسوا للمسابقة جدا.. وللبنات علموهم الكورشية ونجهزلهم الخيوط الملونة هايحبوها.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2020

Social Media Auto Publish Powered By : XYZScripts.com