إيمان داغر.. تكتب تكات: اتيكيت الصبيان والبنات

أولا: فية كلمتين مرتبطين ببعض دايما هما الاتيكيت والبروتوكول وكلنا فاكرين انهم بمعنى واحد.. فية فرق كبير ومهم بينهم.. الاتيكيت هو ببساطة السلوك الصح لإحترام النفس والأخرين وحسن التعامل معاهم.

أما البروتوكول هو قواعد في الاتيكيت بس بيكون على مستوى دولي بين الدبلوماسيين زي استقبال رئيس دولة لرئيس لدولة أخرى.

ثانيا: السلوك السليم والاحترام

لازم يكون الكبار بيتعاملوا به وبينفذوه قبل الصغار علشان يكون أسهل في اننا نوصله لأطفالنا

ثالثا: خطوات الاتيكيت :

لازم نوصل للطفل أنه يقوله كلمة شكرا لأي حد بيساعده.. ومايقاطعش أي حد وهو بيتكلم.. ويحترم الحديث ويتعلم الانتظار حتي انتهاء الحديث.. لما الطفل يتكلم لازم نسمعله كويس وننصت بكلامه.

الاستئذان قبل الدخول في أي مكان.

مضغ الأكل والفم مقفول.. وماينفعش يتكلم وفيه أكل في الفم.

– عند العطس والكحة يستخدم المناديل وبعدين يرميها.

إحترام الخصوصية لأي شخص بيتعامل معاه.

– مايحاولش نقل الكلام أو أي حديث من شخص لآخر.

– لو حب يستخدم أي شئ (كتاب.. قلم.. تليفون.. لعبة) لازم يستأذن قبل الإستخدام والأهم يحافظ علي الشئ المستخدم.

ممنوع النظر في أي شئ يملكه الغير.

أي مكان خاص بالطفل هو من مسئوليته يعني ما ينفعش يكون المكان متبهدل أو مش نضيف زى الحمام أو الغرفة أو سريره.

– لازم يتعود يساعد الغير على قد قدراته ويكون عنده حب التعاون.

بعد ما يخلص أكله يساعد ويشيل الطبق اللي أكل فيه مايستناش الغير يشيله.

– ممنوع الصوت العالي على الغير وممنوع الرد بكلام غير لائق.

ممنوع الأحاديث الجانبية في وسط مجموعة.. الاتيكيت أنه يكون حوار جماعي.

– علموهم ياكلوا بطريقة منظمة مش شرط الشوكة والسكينة الأهم النظام في الأكل من غير ما يبهدلوا وشهم وايديهم.

– ازرعوا فيهم الروح الرياضية.. يعني يتقبلوا فكرة تهنئة الكسبان.

بلاش نحرجهم قدام الغير.. لازم يكون عندهم ثقة في نفسهم.

إحترام الأكبر سنا في اداب الحديث.. واجب، وجلوس الكبار أهم.

– يهتموا بإستخدام وتنظيف أدواتهم الشخصية في الشرب أو الأكل.

تكات مهمة للبنات

اتيكيت المشي: علموهم بانهم يحطوا كتاب على رأسهم ويتعلموا التوازن.

بلاش المكياج قبل سن 12 سنة وبعد كده يكون خفيف.

– مش لطيف أبدا الاكسسورات الكتير واللبس اللي سابق سنهم بزيادة.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com