إيمان داغر تكتب.. تكات أجازه نص السنه انتي والولاد

الولاد خلصوا التيرم الاول وباقي من حاجتهم شويه خامات من بتوع الرسم والاعمال الفنية ممكن نستفاد بيهم ونستخدمهم. 
(الفوم الجليتر) صورته معانا … طبعا فيه ناس عارفينه و كمان سعره رخيص مش مكلف واغلبنا بيستخدمة لاولادنا في مدارسهم…. النهاردة هاقولك تزيني بيه بيتك وادواتك ازاى بطرق بسيطة… 
اي حذاء او شنطة تكوني مش بتستخدميهم او زهقتي من شكلهم… ممكن تجديديهم بالفوم الجليتر…. 
حاولي تقصي الفوم جليتر على قد شكل جزمة من قدام والزقية عليها (و فية من الفوم اللي بيتلزق على طول) ونفس الفكرة اعمليها مع الشنطة اللي مركونة ومش بتستخدميها هاترجع جديدة وترجعي تلبسيها تاني. 
ولو عايزة تجددي كفر الموبايل بتاعك (لمناسبة او خروجة) قصي من الفوم على قد ضهر الفون والزقية وطبعا.. وراعي فراغات كاميرا الموبايل  شكله هيبقى جديد.. وممكن يتشال بسهولة جداً. 
ولو زهقتي من شكل ابواب الغرف في بيتك اعملي من الفوم اشكال صغيرة زى… الورود… قلوب… أو أي اشكال تانية تعجبك بالوان مختلفة والزقيهم على الابواب هاتغيرلك في شكلهم جدااا 
عايزة تجددي غرفه الاولاد من غير ما تكلفي نفسك… اعملي اشكال من الحيوانات او الطيور او الاشجار والزقيها على الحيطان او ازاز الشببابيك الخاصة بغرفتهم وبالوان مختلفة… وهايتبسطوا بيها جداً.
جددي شكل ساعة الحائط و قصي على قد  شكل الاطار بتاعها او شكل عقارب الساعة هاتبقى جميلة
و ممكن تعملي اشكال الفاكهة و الخضار وتلزقيهم على التلاجة
و دى كانت افكار بسيطة هاتغير شكل بيتك.. اعمليها وادعيلي.
و استنوني تاني في تكات جديدة.
تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com