إيمان داغر.. تكات في البيت أسرار  المطبخ (5)

 

* ضيفي للبصل وأنت بتعملي تقليه الطبخ معلقة ملح.. كزبرة.. سكر وشوفي الفرق في الطعم.

 

* لآى عجينة بتعمليها حطي معلقتين لبن بودرة وشوفي هاتبقى هشة إزاى.. والأفضل تعجنيها بمياة دافية كمان هاتديكي نتيجة أفضل.

 

 * خلطة المحشي رشي عصير ليمون عليها مش هاتعجن الرز منك ابدًا..

 

* لو زاد طعم الثوم في الآكل ضيفي شوية جنزبيل هايقلل من طعم الثوم.

 

*لو الأرز اتحرق منك ماتقلبهوش غطية بس برغيف عيش بلدى وسبية شوية هايشيل رائحة الحرق نهائي.. أو ضيفي له قطع من البطاطس.

 

* اغسلي الثلاجة وضيفي في أركانها قشر ليمون وبرتقال هاتفضل ريحتها حلوة لفترة طويلة.

 

* عايزة الشاورما اللي بتعمليها تبقي زى بتاعة برة وأحلي كمان.. ضيفي ليها عصير برتقال بس مش كتير وادعيلي.

 

* ضيفي الملح للسلطة عند الآكل مش قبل كدة علشان الخضار يفضل طازة.

 

* اطحني السكر وضيفي معاه معلقة نشا (كوباية سكر + معلقة نشا) هايبقي أبيض وناعم.

 

* علشان الزيت مايطرطش منك في القلي ضيفي له معلقة ملح.

 

* ضيفي معلقة نسكافية مع البيض والفانليا لدهن آي معجنات.. هاتديكي لمعة ولون تحفة.

 

* ضيفي عصير الليمون للزيت وإنتي بتقلي السمك..هيشيل رائحة الزفارة من البيت.

 

استنوني في تكات جديدة..

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com