إسلام رؤوف.. يكتب: الأهلي أعظم نادي في الكون

اسطورة الـ 1907 وأعظم نادي في الكون مش مجرد كلمة بتتقال في شعار من الثالثة شمال.. لا.. ده واقع تأسس والعالم كله شهد عليه.

النادي الأهلي أعظم نادي في الكون ناس.. كتير بتفتخر ببلدها وناس كتير بتفتخر بإنجازاتها وتاريخها في الدنيا.. وكل اهلاوي اتخلق بيفتخر بنعمه ربنا لنا.. بيخلي يوم نصره لينا عيد.

النادي الأهلي مش مجرد فريق كره قدم ده منظومة نجاح إداره ونظام متكامل من يوم ما ميتشيل أنس كان المؤسس لعبده صالح الوحش ومختار التتش واللي ورث حبه الأب الروحي صالح سليم ولكل رؤساء النادي وصلا إلى محمود الخطيب ومبادئ اتحطت لو بلاد مشيت بنفس المبادئ هتكون دول عظمي.

النادي الأهلي مدرسة للقيم والأخلاق العالم كله شاهد بها.. وبيعترف ان الشياطين الحمر في مكانة عظيمة بتاريخه وبألقابه وبانجازاته.. فهو الصانع الوحيد للفرحة اللي بتطلع من القلب لحظة هدف في الدقيقة + 90 روح الفانله الحمراء اللي اتربينا عليها من سنين عيشنا وحكينا معاه ذكرياتنا في المدرج.

بجد كل اهلاوي لازم يفتخر بأنه منتمي لكيان في كل النعم الأهلي العظيم المبدع أعظم نادي في الكون اللي راح في حبه 74 شهيد واللي بيتولد في حبه كل يوم مليون طفل جديد هيتعلموا مبادئ وقيم النادي العظيم دام الله علينا نعمة الأهلي ودام لنا نادينا بطلا شامخا نسره في السماء.

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com