أميرة الشريف.. تكتب: من شات لشات

بخرج من شات لشات

وبتفرج ع الحالات

ده حَب.. وده مات

ومش بيفضل غير شويه ذكريات

فاكرة يوم ضحكت فيه مع اصحابي بالساعات

وفاكرة حزني على ابن عمي لما مات

فاكرة خناقي مع أخويا عشان السماعات

فاكرة زعيق أمي عشان ماسكتي للفون

وسرحاني ف الشات

وفاكرة كلامنا لما تقولي قومي ذاكري

وافتحيلك حتى كتاب

وفاكرة ردي بكل برود مش هقوم

ترد تقولي عادي هي حياتي وله حياتك

بس دلوقتي

رجعت أندم علي اللي فات

وبقول يااااه لو ترجع الأيام

كنت فتحت الكتاب

كنت طولت في القاعده مع الصحاب

كنت قولت لابن عمي اني بحبه من زمان

كنت طولت في الخناق على السماعات

كنت وكنت وكنت

بس دلوقتي الندم مش هيرجع اللي فات

وبقت حياتي عبارة عن شوية ذكريات

محفوظة في الفون على هيئه شات

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com