أميرة الشريف.. تكتب قصيدة: مات الولد

مات الولد

ولد الولد

ولد البنيه

اللي اتولد علي ايدها يوم زمان

لما عرفت انه ولد

فرحت وقالت جالي السند

وابو الولد قال ضهري اتفرد

ودهشهم زرقان العين

واللون الدهبي في الشعر الحرير

كان جميل كان وكان

وساعتها بس قررو

يسمو الطفل جمال

امه حاست بالامان

كبر جمال

من ابتدائيه لإعداديه

وخلص الثانويه

جاب مجموع ودخل الكليه

لحد ماجيه في يوم خبر

وجع قلب البنيه

حادثه ومستشفي وعمليه

اربعين يوم في وجع قلب

والدكاتره رايحه جايه

لحد ما أعلن خبر

خبر وفاه الولد

ساعتها بس

اتكسر قلب البنيه

وانحني ضهر الولد

والخبر فزع الصحاب

مات الولد

طب ازي

ده كان معانا

وكان بيضحك

كان كويس

ده قلبه طيب

وظهر اللون الاسود الكئيب مع الوش الحزين

و دعوات كتير

من القريب ومن الغريب

اتزف زافه عريس

مات وكأنه صحيح شهيد

الجميل كان مواليد 98

ومات بعد ما تم العشرين

فيا ام الولد متزعليش

يا ام الولد ابنك عريس

عريس متزف للجنه

راح عند ربه فمتعيطيش

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com