أحمد عطية يكتب .. احتفل بالانجازات الصغيرة

الانتصارات‭ ‬والانجازات‭ ‬الكبيرة‭ ‬لا‭ ‬تحدث‭ ‬مرة‭ ‬واحدة‭.. ‬والطريق‭ ‬إليها‭ ‬طويل‭ ‬جداً ‭.. ‬ويسبقها‭ ‬دائماً‭ ‬الكثير‭ ‬من‭ ‬الانجازات‭ ‬والانتصارات‭ ‬الصغيرة‭ ‬على‭ ‬طريق‭ ‬النجاح‭ .. ‬وفي‭ ‬أوقات‭ ‬كتيرة‭ ‬موش‭ ‬بناخد‭ ‬بالنا‭ ‬منها‭ ‬وبتعدي‭ ‬من‭ ‬غير‭ ‬ما‭ ‬نحس‭ ‬بيها‭ .. ‬علشان‭ ‬كده‭ ‬ممكن‭ ‬نحس‭ ‬بالإرهاق‭ ‬والملل‭ ‬في‭ ‬حياتنا‭ ‬اليومية‭ .. ‬وأحياناً‭ ‬ياليأس‭ ‬لما‭ ‬الوقت‭ ‬بيطول‭ ‬ولسه‭ ‬النجاح‭ ‬الكبير‭ ‬محصلش‭.‬

ووقتها‭ ‬بنحس‭ ‬إن‭ ‬الحياة‭ ‬عنيدة‭ ‬معانا‭ .. ‬وعلشان‭ ‬نكسر‭ ‬الاحساس‭ ‬ده‭ ‬ونقضي‭ ‬عليه‭ .. ‬لازم‭ ‬نكسره ‬بشوية‭ ‬أحلام‭ ‬وانتصارات‭ ‬صغيرة‭ ‬وبسيطة‭ ‬ونحتفل‭ ‬بيها‭ .. ‬وقتها‭ ‬هتلاقي‭ ‬الحياة‭ ‬فعلاً‭ ‬بتلين‭ ‬معاك‭.‬

الطريق‭ ‬لتحقيق‭ ‬هدف‭ ‬كبير‭ ‬فيه‭ ‬محطات‭ ‬نجاح‭ ‬كتيرة‭ ‬قوي‭ ‬وبرضه‭ ‬فيه‭ ‬محطات‭ ‬انكسار‭ ‬كتير‭ ‬قوي‭ ‬قوي‭ .. ‬فلما‭ ‬توصل‭ ‬لمحطة‭ ‬نجاح‭ ‬منهم‭ ‬أعمل‭ ‬احتفال‭ ‬كبير‭ ‬مع‭ ‬أسرتك‭ ‬أو‭ ‬أهلك‭ ‬أو‭ ‬أصحابك‭.. ‬وأعلنه‭ ‬وبكل‭ ‬قوة‭ .. ‬وأفرح‭ ‬بيه‭ ‬في‭ ‬وقته‭ ‬كويس‭ ‬جداً‭.‬

إملى‭ ‬قلبك‭ ‬بالفرحة‭ ‬والسعادة‭ ‬بالنجاح‭ .. ‬حتي‭ ‬لو‭ ‬كان‭ ‬بسيط‭ .. ‬هتلاقي‭ ‬بقي‭ ‬عندك‭ ‬طاقة‭ ‬ايجابية‭ ‬كبيرة‭ ‬قوي‭ ‬تقدر‭ ‬تكمل‭ ‬بيها‭ ‬مشوارك‭ ‬في‭ ‬الحياة‭.‬

بيعجبني‭ ‬دلوقتي‭ ‬محمد‭ ‬صلاح‭ .. ‬أي‭ ‬خطوة‭ ‬نجاح‭ ‬جديدة‭ ‬حتى‭ ‬لو‭ ‬كانت‭ ‬بسيطة‭ ‬بيحتفل‭ ‬بيها‭ ‬كويس‭ ‬جداً‭ .. ‬وكل‭ ‬مرة‭ ‬بأسلوب‭ ‬مختلف‭ ‬عن‭ ‬المرة‭ ‬اللي‭ ‬بعدها‭ .. ‬في‭ ‬كل‭ ‬مرة‭ ‬احتفل‭ ‬بيها‭ ‬بنجاحه‭ ‬قضى‭ ‬على‭ ‬فكرة‭ ‬سلبية‭ ‬أشاعوها‭ ‬عنه‭ ‬أعداء‭ ‬النجاح‭ ‬وسارقين‭ ‬الفرحة‭ .. ‬كل‭ ‬مرة‭ ‬بتحتفل‭ ‬بيه‭ ‬بنجاحك‭ ‬بتاخد‭ ‬دفعة‭ ‬ذاتية‭ ‬للأمام‭ .. ‬وبتدخل‭ ‬فيها‭ ‬اليأس‭ ‬في‭ ‬نفوس‭ ‬الأعداء‭ ‬الدائمين‭ ‬للنجاح‭.‬

موش‭ ‬كده‭ ‬وبس‭.. ‬أنت‭ ‬كمان‭ ‬هتلاقي‭ ‬ناس‭ ‬تتعاطف‭ ‬معاك‭ ‬وتساعدك‭ ‬في‭ ‬المرحلة‭ ‬القادمة‭ ‬من‭ ‬حياتك‭.. ‬ناس‭ ‬هتؤمن‭ ‬بيك‭ ‬فعلاً‭ .. ‬وتدفعك‭ ‬بكل‭ ‬قوة‭ ‬إنك‭ ‬تواصل‭ ‬نجاحك‭ .. ‬والدنيا‭ ‬زي‭ ‬ما‭ ‬فيها‭ ‬الأشرار‭ .. ‬فيها‭ ‬الأبرار‭ ‬والناس‭ ‬الجميلة‭ ‬المحبة‭ ‬للخير‭ ‬والحياة‭.‬

لكن‭ ‬مهم‭ ‬طبعاً‭ ‬يكون‭ ‬نجاح‭ ‬حقيقي‭ .. ‬موش‭ ‬على‭ ‬أكتاف‭ ‬ناس‭ ‬تانية‭ .. ‬أو‭ ‬أكذوبة‭ ‬هتنكشف‭ ‬مع‭ ‬الوقت‭ ‬ويتحول‭ ‬النجاح‭ ‬الوهمي‭ ‬لنقمة‭ ‬عليك‭ .. ‬خليك‭ ‬حريض‭ ‬دايماً‭ ‬على‭ ‬النجاح‭ ‬الحقيقي‭.‬

لكن‭ ‬ده‭ ‬لا‭ ‬يمنع‭ ‬إن‭ ‬كمان‭ ‬النجاح‭ ‬له‭ ‬أعداء‭ .. ‬راقب‭ ‬الجميع‭ ‬واتعرف‭ ‬على‭ ‬أحبابك‭ ‬وعلى‭ ‬أعداء‭ ‬النجاح‭ ‬واتعامل‭ ‬مع‭ ‬كل‭ ‬مجموعة‭ ‬منهم‭ ‬كما‭ ‬يجب‭ .. ‬علشان‭ ‬تقدر‭ ‬تحافظ‭ ‬على‭ ‬النجاح‭ ‬والانجاز‭ ‬وميتسرقش‭ ‬منك‭ ‬فى‭ ‬أى‭ ‬لحظة‭ .. ‬سارقوا‭ ‬النجاح‭ ‬معروفين‭ ‬وسلوكهم‭ ‬ومنهجهم‭ ‬في‭ ‬سرقة‭ ‬نجاح‭ ‬الآخريين‭ ‬معروف .. وعلشان كده احتفل بيه في الوقت المناسب علشان تقدر تحافظ عليه لنفسك‭.‬

تعظيم‭ ‬النجاح‭ ‬والانجاز‭ ‬والاحتفال‭ ‬بيه‭ ‬حتى‭ ‬لو‭ ‬كان‭ ‬بسيط‭ ‬بيساعدك‭ ‬إنك‭ ‬تكون‭ ‬صورة‭ ‬ذهنية‭ ‬إيجابية‭ ‬عنك‭ ‬وعن‭ ‬شخصيتك‭ ‬والموضوع‭ ‬ده‭ ‬بدوره‭ ‬بيخلي‭ ‬ناس‭ ‬كتير‭ ‬تنجذب‭ ‬ليك‭ ‬وتتكلم‭ ‬عنك‭ ‬دايماً‭ ‬بصورة‭ ‬إيجابية‭ ‬بتدعمك‭ ‬في‭ ‬شغلك‭ ‬وحياتك‭ ‬الشخصية‭ ‬من‭ ‬كل‭ ‬الجوانب‭.‬

احتفل‭ ‬وافرح‭ ‬وفرغ‭ ‬قلبك‭ ‬من‭ ‬اثار‭ ‬القلق‭ ‬والتعب‭ ‬والارهاق‭ ‬والتضحية‭ ‬اللي‭ ‬مريت‭ ‬بيهم‭ ‬لوحدك‭ ‬أو‭ ‬مع‭ ‬أسرتك‭ ‬وأصدقائك‭ ‬المقربين‭ ‬لحد‭ ‬ما‭ ‬حققت‭ ‬الانجاز‭ ‬ده‭ .. ‬الفرحة‭ ‬حلوة‭.‬

تعليقات
جاري التحميل...

حقوق النشر والتصميم محفوظة لشركة هاشتاج مصر © 2019

Social Media Auto Publish Powered By : XYZScripts.com